थिनर ने भाजल्याने अंबड मधील एकाचा मृत्यू…!*

*थिनर ने भाजल्याने अंबड मधील एकाचा मृत्यू…!*

सागर चौधरी – नाशिक

थिनर ने भाजल्याने अंबड मधील एकाचा मृत्यू झाल्याची घटना घडली आहे. सविस्तर वृत्त असे की, दिनांक १/२/२०२३ रोजी रात्री ८ वाजेच्या सुमारास कृष्णा राजकुमार विश्वकर्मा, वय-२९, रा. इंडोलाईन कंपनी च्या मागे, अंबड, नाशिक येथे राहत असून जवळच असलेल्या त्यांच्या वा.सु. विश्वकर्मा मोटर्स ह्या गॅरेज मध्ये काम करत असताना लाईट गेल्यामुळे गॅरेज मध्ये मेणबत्ती लावून त्यांचे काम चालू असताना मेणबत्ती खाली पडल्याने खाली असलेल्या थिनर ने पेट घेतला व मयत कृष्णा विश्वकर्मा हा मोठ्या प्रमाणात भाजून जखमी झाला.

तसेच कृष्णा चे दोन लहान मुले देखील तिथेच बाजूला होते त्यांनी देखील वडिलांना वाचविण्यासाठी धाव घेतली असता, ते थिनर मुलांना लागून त्यांना दुखापत न होण्यासाठी त्याने दोघं मुलांना लांब ढकलून दिले. ह्या सर्व प्रकरणात कृष्णा विश्वकर्मा हा मोठ्या प्रमाणात भाजून जखमी झाला.

त्याला पुढिल औषधोपचारासाठी त्याचा भाऊ पिंटु राजकुमार विश्वकर्मा याने सिव्हील हॉस्पीटल नाशिक येथे दाखल केले असता त्याच्यावर औषधोपचार चालु असतांना त्याचा मृत्यू झाला.
दरम्यान, ह्या दुर्घटनेने अंबड परिसरात मोठी हळहळ व्यक्त होत आहे.

तसेच सदर घटनेची नोंद अंबड पोलिस स्टेशन येथे करण्यात आली असून पुढील तपास अंबड पोलिस करत आहे.