भाऊसाहेब फुंडकर फळबाग लागवड योजनेच्या लाभासाठी* *शेतकऱ्यांनी ऑनलाईन अर्ज सादर करावेत* *-विवेक सोनवणे*

• : 25 नोव्हेंबर, 2022
  *भाऊसाहेब फुंडकर फळबाग लागवड योजनेच्या लाभासाठी*
  *शेतकऱ्यांनी ऑनलाईन अर्ज सादर करावेत*
  *-विवेक सोनवणे*

*नाशिक, दिनांक 25 नोव्हेंबर, 2022 (जि.मा.का. वृत्तसेवा):*
भाऊसाहेब फुंडकर फळबाग योजना वर्ष 2022-23 च्या लाभासाठी शेतकऱ्यांनी 30 नोव्हेंबर पर्यंत महाडिबीटीवर ऑनलाईन अर्ज अर्ज सादर करावेत, असे आवाहन जिल्हा अधीक्षक कृषी अधिकारी विवेक सोनवणे यांनी केले आहे.

भाऊसाहेब फुंडकर फळबाग लागवड योजनेंतर्गत महाराष्ट्रातील 16 बहुवार्षिक फळपिकांचा समावेश आहे. योजनेसाठी प्रत्येक शेतकऱ्याचा प्रकल्प हा स्वतंत्र समजण्यात येईल. लाभार्थ्यास पुर्वसंमती प्राप्त झाल्यानंतर जास्तीत जास्त 75 दिवसात फळबागेची लागवड पूर्ण करणे बंधकारक राहील. लागवडीसाठी कलमे/ रोपे शासानाच्या रोपवाटीका, कृषी विद्यापीठ रोपवाटीका, कृषी विज्ञान केंद्र तसेच उपविभागीय कृषी अधिकारी यांनी प्रमाणित केलेल्या खाजगी पंजीकृत रोपवाटीका येथून स्वखर्चाने शेतकऱ्यांनी खरेदी करणे आवश्यक आहे.

योजनबाबतच्या अटी, शर्ती व अधिक माहिती महाडिबीटी पोर्टलवर उपलब्ध आहे. शासनाकडून योजनेसाठी अनुदान उपलब्ध झाल्यानंतर ते थेट शेतकऱ्यांच्या आधार लिंक बँक खात्यावर वर्ग करण्यात येणार असल्याचेही जिल्हा अधीक्षक कृषी अधिकारी विवेक सोनवणे यांनी कळविले आहे.
000000000