केंद्रीय आरोग्य राज्यमंत्री डॉ.भारती पवार यांच्या हस्ते होणार विविध आरोग्य प्रकल्पांचे भूमिपूजन व लोकार्पण*
*केंद्रीय आरोग्य राज्यमंत्री डॉ.भारती पवार यांच्या हस्ते होणार विविध आरोग्य प्रकल्पांचे भूमिपूजन व लोकार्पण*
*नाशिक, दिनांक: 10 फेब्रुवारी 2023 (जिमाका वृत्तसेवा):*
केंद्रीय आरोग्य राज्यमंत्री डॉ.भारती पवार यांच्या हस्ते 12 फेब्रुवारी 2023 रोजी विविध आरोग्य प्रकल्पांचे भूमिपूजन व लोकार्पण कार्यक्रम होणार आहे, असे कळवण उपजिल्हा रूग्णालयाचे वैद्यकीय अधीक्षक डॉ.आशिक हुसेन शेख व दिंडोरी ग्रामीण रूग्णालयाच्या वैद्यकीय अधीक्षिका डॉ.उज्वला तेजाळे यांनी कळविले आहे.
कळवण उपजिल्हा रूग्णालयातील नवजात शिशु देखभाल विभाग, इर्मजन्सी कोविड रिलिफ प्रोग्राम-II अंतर्गत कोविड फिल्ड हॉस्पिटल व ब्लॉक पब्लिक हेल्थ युनिटचे भूमिपूजन तसेच दिंडोरी तालुक्यातील ग्रामीण रूग्णालयाच्या विस्तारित प्रसूतीगृह व शस्त्रक्रियागृहाचे लोकार्पण केंद्रीय आरोग्य राज्यमंत्री डॉ.भारती पवार यांच्या हस्ते होणार आहे.
