ब्रेकिंग

दुसऱ्या टप्प्यात सिटीलिंकच्या आणखी ११ ई-बसेस नाशिककर प्रवाशांच्या सेवेत दाखल.*

 

*विषय – दुसऱ्या टप्प्यात सिटीलिंकच्या आणखी ११ ई-बसेस नाशिककर प्रवाशांच्या सेवेत दाखल.*

नाशिक जनमत केंद्र शासनाच्या PM-eBus Sewa योजनेंतर्गत नाशिक महानगर परिवहन महामंडळ लि. (सिटीलिंक) च्या ताफ्यात दाखल झालेल्या इलेक्ट्रिक बसेसपैकी गुरुवार, दिनांक १९ नोव्हेंबर २०२६ रोजी आणखी ११ ई-बसेस नाशिककर प्रवाशांच्या सेवेत दाखल झाल्या असून, या बसेस नाशिक शहरातील विविध मार्गांवर धावण्यास सुरुवात झाली आहे.
केंद्र शासनाच्या PM-eBus Sewa योजनेंतर्गत सिटीलिंकच्या ताफ्यात एकूण ५० ई-बसेस दाखल झाल्या आहेत. या बसेस टप्प्याटप्प्याने प्रवाशांच्या सेवेत दाखल करण्यात येत आहेत.

 

 

 

सिटीलिंकच्या ई-बस सेवेच्या पहिल्या टप्प्यात प्रायोगिक तत्त्वावर २ ई-बसेसच्या माध्यमातून मार्ग क्रमांक १०२ व १०३ वर सेवा सुरू करण्यात आली होती. त्यानंतर आता दुसऱ्या टप्प्यात आणखी ११ ई-बसेस नाशिककर प्रवाशांच्या सेवेत दाखल करण्यात आल्या आहेत. सदर बसेस मार्ग क्रमांक ३०१, ३०२ व ३०३ वर सुरू करण्यात आल्या असून, या मार्गांचा तपशील पुढीलप्रमाणे आहे.
१. मार्ग क्रमांक ३०१ :
• अ) आडगाव ते बारदान फाटा – मार्गे सिव्हिल हॉस्पिटल, सातपूर, अशोकनगर व पुन्हा त्याच मार्गाने आडगाव.
• ब) तपोवन ते बारदान फाटा – मार्गे सिव्हिल हॉस्पिटल, सातपूर, अशोकनगर व पुन्हा त्याच मार्गाने तपोवन.
२. मार्ग क्रमांक ३०२ :
• अ) आडगाव ते बारदान फाटा – मार्गे शालिमार, एच.पी.टी. कॉलेज, सातपूर, अशोकनगर व पुन्हा त्याच मार्गाने आडगाव.
• ब) तपोवन ते बारदान फाटा – मार्गे सिव्हिल हॉस्पिटल, सातपूर, अशोकनगर व पुन्हा त्याच मार्गाने तपोवन.
३. मार्ग क्रमांक ३०३ :
• अ) आडगाव ते सिम्बायोसिस कॉलेज – मार्गे सिव्हिल हॉस्पिटल, पवननगर, उत्तमनगर व पुन्हा त्याच मार्गाने आडगाव.
• ब) तपोवन ते सिम्बायोसिस कॉलेज – मार्गे सिव्हिल हॉस्पिटल, पवननगर, उत्तमनगर व पुन्हा त्याच मार्गाने तपोवन.
इलेक्ट्रिक बसेसमुळे शहरातील सार्वजनिक वाहतूक व्यवस्था अधिक पर्यावरणपूरक व आधुनिक होण्यास मदत होणार असून, प्रवाशांना आरामदायी व दर्जेदार बससेवा उपलब्ध होणार आहे. नाशिककर प्रवाशांना अधिक चांगली सार्वजनिक वाहतूक सेवा उपलब्ध करून देण्याच्या उद्देशाने सिटीलिंक प्रशासनाकडून ई-बसेस टप्प्याटप्प्याने विविध मार्गांवर सुरू करण्यात येत आहेत.
तरी, नाशिककर नागरिकांनी सिटीलिंकच्या या पर्यावरणपूरक ई-बस सेवेचा जास्तीत जास्त लाभ घ्यावा, असे आवाहन नाशिक महानगर परिवहन महामंडळ लि. (सिटीलिंक) प्रशासनाच्या वतीने कळविण्यात  येत आहे.. नागरिकांमध्ये आनंदाचे वातावरण आहे.

बातमी शेअर करणायसाठी येथे क्लिक करा

Related Articles

Leave a Reply

Your email address will not be published. Required fields are marked *

Back to top button
बातमी कॉपी करणे हा कायद्याने गुन्हा आहे