मालेगावी पाचशेच्या २ हजार बनावट नोटा जप्त

मालेगावी पाचशेच्या २ हजार बनावट नोटा जप्त

मध्य प्रदेशातील दोघा संशयितांना अटक; संशयितांना आठ दिवसांची पोलिस कोठडी

नाशिक जन्मत     नासिक जिल्हा भारतामध्ये मोठ्या प्रमाणात बनावट नोटा बनवण्याचे कारस्थान अनेक ठिकाणी चालू असल्याचे चित्र सध्या आहे. बनावट नोटा म्हणून त्या घाई गर्दीच्या ठिकाणी त्या नोटांची वजाबाकी लावण्याचे काम हे आरोपी करतात. दरम्यान काल मालेगाव मध्ये पाचशे रुपयांच्या बनावट नोटा विक्रीच्या हेतूने मालेगावात आलेल्या मध्य प्रदेश राज्यातील दोघांना पोलिसांनी अटक केली. बुधवारी रात्री मुंबई-आग्रा महामार्गावर केलेल्या कारवाईत तब्बल दहा लाखांच्या बनावट नोटा जप्त केल्या आहेत. संशयित नजीर अक्रम मोहम्मद अय्यूब अन्सारी (३४) व बऱ्हाणपूर (मध्य प्रदेश) येथील मदशाचा मौलाना मोहम्मद जुबेर मोहम्मद अश्रफ अन्सारी (३३) यांना गुरुवारी दुपारी न्यायालयात हजर केले असता आठ दिवसांची पोलिस कोठडी देण्यात आली.

बनावट नोटा व दोघा संशयितांसह मालेगाव तालुका पोलिस पथक.

निरीक्षक प्रीतम चौधरी यांनी मुंबई-आग्रा महामार्गावर सापळा रचला होता. संशयित हॉटेल ए-वन सागरजवळ येताच पोलिसांनी छापा टाकून दोघांना पकडले.

त्यांच्याजवळील काळ्या बॅगेची झडती घेतली असता पाचशे रुपयांच्या दोन हजार नोटा आढळून आल्या. या नोटांची छपाई, कागदाचा दर्जा तपासला असता दहा लाख रुपये किमतीच्या नोटा बनावट असल्याचे आढळून आले. दोघे संशयित मध्य प्रदेश राज्यातील बऱ्हाणपूर येथील रहिवासी आहेत. या नोटा त्यांनी कुठून आणल्या, कुठे विक्री करणार होते याचा सखोल तपास सुरू असल्याचे अपर पोलिस अधीक्षक तेगबीरसिंह संधू यांनी सांगितले. कारवाईत उपनिरीक्षक तुषार भदाणे, हवालदार अमोल शिंदे, प्रकाश बनकर, गणेश जाधव यांनी सहभाग घेतला.