शेअर मार्केट मध्ये जास्त परतावा देण्याचे आमिष दाखवुन लाखोंची फसवणुक करणा-यास नाशिक ग्रामीण सायबर पोलीसांनी नागोर जि. धार मध्य प्रदेश येथुन केले जेरबंद करुन १५ लाखांची रक्कम रिकव्हर करण्यात यश

:

(सायबर पोलीस स्टेशन, पोलीस अधीक्षक कार्यालय, नाशिक ग्रामीण, आडगाव, नाशिक ४२२००३ महाराष्ट्र फोन नं.०२५३-२२००४०८) फसवणूक विषयी तक्रार करण्यासाठी अति आवश्यक नंबर.)

शेअर मार्केट मध्ये जास्त परतावा देण्याचे आमिष दाखवुन लाखोंची फसवणुक करणा-यास नाशिक ग्रामीण सायबर पोलीसांनी नागोर जि. धार मध्य प्रदेश येथुन केले जेरबंद करुन १५ लाखांची रक्कम रिकव्हर करण्यात यश

नासिक जन्मत       सायबर पोलीस स्टेशन गुरनं १०/२०२५ भा. न्या. सं. २०२३ चे कलम ३१८(४), ३१९(२), ३(५) माहिती तंत्रज्ञान कायदा २००० चे कलम ६६ (क), ६६ (ड) प्रमाणे दाखल गुन्हयातील तक्रारदार यांना शेअर मार्केट मध्ये गुंतवणुकीवर जास्त परतावा देण्याचे आमिष दाखवुन त्यांचा विश्वास संपादन करुन त्यांना वेगवेगळे बँक खात्यावर पैसे भरण्यास सांगुन त्यांची एकुण ३,६४,०९,३००/- रूपयांची फसवणुक केली आहे.

यातील दिंडोरी स्थित तक्रारदार दि. २०/१०/२०२५ रोजी सायबर पोलीस स्टेशन नाशिक ग्रामिण येथे संपर्क साधला त्यांचे तक्रारीवर गुन्हा दाखल केला आहे. त्यावेळी सदर गुन्हयाचे गांभिर्य लक्षात घेवुन सदर व्यवहारांची माहिती घेवुन मा. बाळासाहेब पाटील, पोलीस अधीक्षक, नाशिक ग्रामीण यांचे आदेशान्वये, नागेश मोहिते, पोलीस निरीक्षक सायबर पोलीस स्टेशन यांचे मार्गदर्शनाखली पोउपनि / दिगंबर थोरात, पो.कॉ /२४५२ तुषार खालकर, पोकॉ/३०३७ सुनिल धोक्रट, पोशि/१८३ विशाल चौधरी यांनी सदर गुन्हयातील बैंक खाते व फसवणुक करणा-या व्यक्तींची तांत्रिक माहिती घेवुन नागोर जि. धार मध्य प्रदेश येथील पत्त्यावर शोध घेतला असता त्यामध्ये आरोपी अखलाख रईस पटेल हा मिळुन आल्याने त्यास अटक करण्यात आलेली आहे. त्याचेकडून गुन्हयातील पुरावे प्राप्त झाले असून गुन्हयाचा तपासामध्ये त्याचेकडुन १५,००,०००/- लाख रुपये हस्तगत करण्यात यश आले आहे. सदर प्रकरणी मा. बाळासाहेब पाटील, पोलीस अधीक्षक, नाशिक ग्रामीण मा. आदित्य मिरखेलकर, अपर पोलीस अधीक्षक, नाशिक ग्रामीण यांचे मार्गदर्शनाखाली सायबर पोलीस स्टेशनचे नमुद अधिकारी व कर्मचारी तसेच पो. हवा. हेमंत गिलिबिले, पो.ना. प्रदिप बहिरम नेम तांत्रिक विश्लेषण विभाग यांनी सदर कारवाई केलेली असुन पुढील तपास सुरू आहे.

नागरिकांना आवाहन

NCCRP पोर्टल व सायबर हेल्पलाईन १९३०/१९४५ यावर तात्काळ तक्रार करावी.

याव्दारे नाशिक ग्रामीण जिल्हयातील सर्व नागरिकांना आवाहन करण्यात येते की, आपण अनोळखी फोन कॉल्सवर विश्वास ठेवुन आपल्या बैंक खात्याची वैयक्तीक माहिती अनोळखी व्यक्तीस देवु नये. कोणतीही बँक अशा प्रकारची माहिती फोनव्दारे विचारत नाही. बँक खात्याविषयी माहितीकरीता संबंधीत बँकेच्या शाखेत जावुन खात्री करावी. तसेच फोनवर पाठविण्यात आलेल्या अनोळखी लिंक विषयी माहिती नसल्यास क्लिक करू नये. आपल्या बरोबर अशी कोणत्याही प्रकारची फसवणुक झाल्यास लागलीच जवळील पोलीस स्टेशनला किंवा सायबर पोलीस स्टेशनला संपर्क साधावा. संपर्क क्रमांक ०२५३-२२००४०८