बनावट पार्ट विकणाऱ्या मोबाइल दुकानांवर छापे
बनावट पार्ट विकणाऱ्या मोबाइल दुकानांवर छापे
नाशिक जनमत प्रतिनिधी मोबाईल ॲक्सेसरीचे विविध बनावट कंपनीचे पार्ट. विकणाऱ्या व्यवसायिकांवर नाशिक येथे पोलिसांनी छापे टाकून कारवाई केली आहे.
नामांकित कंपनीचे डुप्लिकेट पार्ट विक्री करणाऱ्या मोबाइल दुकानांवर छापे टाकण्यात आले. या कारवाईत ४ दुकानांतून ५ लाख ६९ हजारांचे पार्ट जप्त करण्यात आले. गुरुवारी (दि. १०) गुंडाविरोधी पथकाने एमजीरोडवर ही कारवाई केली.
कुंदन बेलोसे दिलेल्या तक्रारीनुसार, प्रधान पार्क, एमजीरोड येथील मोबाइल दुकानात नामांकित कंपनीच्या मोबाइलच्या अॅक्सेसरीजचे बनावटीकरण करुन अनधिकृतपणे विक्री होत असल्याची माहिती गुन्हे
शाखेचे उपआयुक्त प्रशांत बच्छाव यांना दिली. गुंडाविरोधी पथकाने देवसी भल्लाराम यांचे अंबिका मोबाइल या दुकानांतून १ लाख ८३ हजार, सुरेश चौधरी याच्या शिव मोबाइल दुकानातून ६७ हजार ५००, तेजस कोल्हे याच्या युनिक मोबाइल दुकानातून १ लाख ५ हजार, दीपक वाघ यांच्या विनस मोबाइल दुकानातून २ लाख १२ हजारांचे, बैंककव्हर, अॅडप्टर, एअर पॉड आदी सुटे पार्ट जप्त केले. पथकाचे सहायक निरीक्षक ज्ञानेश्वर मोहिते, विजय सूर्यवंशी यांच्या पथकानकारवाई केली.
