-
अनुसूचित जाती व नवबौद्ध घटकांच्या वस्ती व गावांच्या विविध विकास कामांना मंजुरी — आ. कांदे
अरुण हिंगमीरे
नांदगाव, नाशिक
भारत रत्न डॉक्टर बाबासाहेब आंबेडकर सामाजिक विकास योजनेअंतर्गत आमदार सुहास अण्णा कांदे यांच्या यांच्या प्रयत्नातुन नांदगाव विधानसभा मतदारसंघातील १० गावांमध्ये विविध विकासकामांना मंजुरी मिळाली आहे.
राज्यातील नागरी व ग्रामीण क्षेत्रातील अनुसूचित जाती व नवबौद्ध घटकांच्या वस्त्यांचा व गावांचा विकास करण्यासाठी मूलभूत सुविधा पुरविण्यासाठी विविध विकास कामांची तरतूद आहे या अंतर्गत तालुक्यातील
मौजे चिंचविहिर येथील मागासवर्गीय वस्ती अंतर्गत रस्ता कॉंक्रिटीकरण करणे, जळगाव खुर्द येथे मागासवर्गीय वस्ती अंतर्गत आंबेडकर नगर येथील पेव्हर ब्लॉक बसवणे, जळगाव बुद्रुक मागासवर्गीय वस्ती येथे सामाजिक सभागृह बांधणे, तांदूळवाडी मागासवर्गीय वस्ती येथे सामाजिक सभागृह बांधणे, बोलठाण मागासवर्गीय वस्ती येथे रस्ता कॉंक्रिटीकरण करणे,
जातेगाव मागासवर्गीय वस्ती येथे रस्ता कॉंक्रिटीकरण करणे, लोढरे मागासवर्गीय वस्ती येथे रस्ता कॉंक्रिटीकरण करणे, ढेकू बुद्रुक मागासवर्गीय वस्ती येथे सामाजिक सभागृह बांधणे, मांडवड मागासवर्गीय वस्ती येथे सामाजिक सभागृह बांधणे आणि कासारी मागासवर्गीय वस्ती येथे सामाजिक सभागृह बांधणे.
इत्यादी विकास कामांना आ. सुहास आण्णा कांदे यांच्या प्रयत्नातुन मंजुरी मिळाली असून लवकरच या कामांचा शुभारंभ होणार असुन त्याबाबत राज्यातील नागरी व ग्रामीण क्षेत्रातील अनुसूचित जाती व नवबौद्ध घटकांच्या वस्त्यांचा व गावांचा विकास करण्यासाठी मूलभूत सुविधा पुरविण्यासाठी विविध विकास कामांच्या मंजुरी बाबत शासनाने अध्यादेश काढला असल्याचे शिवसेनेचे तालुकाध्यक्ष किरण देवरे यांनी सांगितले आहे.
