पंडित दीनदयाळ उपाध्याय रोजगार मेळाव्याचे*  *13 ऑक्टोबर रोजी आयोजन*

*पंडित दीनदयाळ उपाध्याय रोजगार मेळाव्याचे*

*13 ऑक्टोबर रोजी आयोजन*

*नाशिक, दिनांक 9 ऑक्टोबर, 2023 (जिमाका वृत्तसेवा):*

जिल्हा कौशल्य विकास, रोजगार व उद्योजकता मार्गदर्शन केंद्र नाशिक आणि एम.इ.टी भुजबळ नॉलेज सिटी यांच्या संयुक्त विद्यमाने पंडित दीनदयाळ उपाध्याय रोजगार मेळाव्याचे आयोजन 13 ऑक्टोबर, 2023 रोजी सकाळी 10.00 ते सायंकाळी 5.00 या वेळेत भुजबळ नॉलेज सिटी महाविद्यालय परिसर, आडगाव, नाशिक येथे करण्यात आले आहे. अशी माहिती सहाय्यक आयुक्त, कौशल्य विकास, रोजगार व उद्योजकता नाशिक अनिसा तडवी यांनी प्रसिद्धी पत्रकान्वये दिली आहे.

रोजगार मेळाव्यात सहभागी होण्यासाठी http://bit.ly/46cytRB या लिंकवर नोंदणी करावी. तसेच ज्या उमेदवारांनी अद्याप सेवा योजना नोंदणी केली नसेल, अशा उमेदवारांनी www.rojgar.mahaswayam.gov.in या संकेतस्थळावर नोंदणी करावी. नोंदणी झाल्यानंतर उमेदवार पात्रतेनुसार रिक्त पदांसाठी अर्ज करू शकतात.

सदर रोजगार मेळाव्यात 33 पेक्षा अधिक नामांकित कंपन्या व नियोक्ते उपस्थित राहणार असून 3 हजार 700 पेक्षा जास्त पदांकरिता 13 ऑक्टोबर 2023 रोजी नियोजित स्थळी सकाळी 10.00 ते सायंकाळी 5.00 या वेळेत प्रत्यक्ष मुलाखती घेण्यात येणार आहेत. शैक्षणिक पात्रतेनुसार उमेदवारांना रोजगाराची संधी उपलब्ध होणार असून स्वयंरोजगारासाठी आर्थिक सहाय्य करणारी शासनाची विविध महामंडळे यांचे स्टॉल्स लावण्यात येणार असून कर्ज योजनांची माहिती व मागदर्शन करण्यात येणार आहे.

नियोक्ते व उमेदवारांनी अधिक माहितीसाठी कार्यालयाच्या nashikrojgar@gmail.com या इमेलवर संपर्क साधावा आयोजित करण्यात आलेल्या रोजगार मेळाव्यात जास्तीत जास्त नियोक्ते व बेरोजगार उमेदवारांनी सहभाग घ्यावा, असे आवाहनही सहाय्यक आयुक्त श्रीमती तडवी यांनी केले आहे.